Poslovne vesti - Makedonija

„Еуролинк“ втора во осигурителниот бизнис

„Еуролинк осигурување“ заклучно со 2011 година го потврди второто место помеѓу 15-те осигурителни компании на пазарот на осигурување во Македонија.

Друштвото е водечка компанија кога се во прашање имотните осигурувања, осигурувањето од одговорност и патничко осигурување.

Компанијата реализирала полисирана бруто-премија од 772 милиона денари, а со тоа раст од 16 проценти во однос на 2010 година, додека вкупниот пазар на неживотно осигурување во земјава во истиот период забележа раст од 3 проценти.

Вкупните резерви на компанијата пораснале за 36 отсто, додека техничките нето-резерви за 25 проценти, со што достигнаа износ од 400 милиони денари. „Успехот со достигнување втора позиција на пазарот е дотолку позначаен за нас од причини што тој е постигнат во услови на силна пазарна конкуренција од меѓународни осигурителни компании.

Со ова потврдуваме дека Македонија знае и умее да продуцира домашен бренд подготвен за освојување водечки позиции во меѓународни рамки“, изјави Александра Наќева-Ружин, извршна директорка на „Еуролинк осигурување“.